ലോകത്തിനു മാർഗ്ഗദർശനമായ വിശുദ്ധ ഖുർആൻ അവതരിച്ച മാസമാണല്ലോ റമദാൻ. ഖുർആൻ കൂടുതൽ പഠിക്കുന്നതിനും ആശയങ്ങൾ ഉൾക്കൊള്ളുന്നതിനും ഓരോ വിശ്വാസീ മനസും ആഗ്രഹിക്കുന്ന ദിനരാത്രങ്ങൾ. ഖുർആൻ പഠനം താല്പര്യത്തോടെ കാണുന്നവർക്ക് അതിനു പ്രോത്സാഹനം നൽകുക എന്ന ഉദ്ദേശത്തോടെ 26 വർഷമായി MSM സംസ്ഥാന സമിതി സംഘടിപ്പിക്കുന്ന ഖുർആൻ വിജ്ഞാന പരീക്ഷയാണ് 'മിസ്ബാഹ്'. ഏറെ പുതുമകളോടെ ഈ വർഷത്തെ മിസ്ബാഹ് ഏപ്രിൽ 16 ന് സംഘടിപ്പിക്കപ്പെടുകയാണ്. താങ്കളും ഈ അവസരം ഏറെ താല്പര്യത്തോടെ ഉപയോഗപ്പെടുത്തുമെന്ന് പ്രതീക്ഷിക്കുന്നു.

• ഓൺലൈൻ & ഓഫ്‌ലൈൻ എന്ന രണ്ടു രീതിയിലും ഇത്തവണ പരീക്ഷ സംഘടിപ്പിക്കപ്പെടുന്നുണ്ട്. അനുയോജ്യമായത് പരീക്ഷാർത്ഥിക്ക് തെരഞ്ഞെടുക്കാം.
• പരീക്ഷ തിയ്യതി: 2023 ഏപ്രിൽ 16 ഞായർ
• സുഗമമായ നടത്തിപ്പിന് വേണ്ടി ഓൺലൈൻ പരീക്ഷ വിവിധ സ്ലോട്ടുകളായിട്ടാണ് നടത്തുന്നത്.
• രണ്ട് കാറ്റഗറികളിലാണ് പരീക്ഷ നടക്കുന്നത്. 15 വയസ്സ് വരെയുള്ളവർ ജൂനിയർ കാറ്റഗറിയിലും അതിനു മുകളിലുള്ളവർ ജനറൽ കാറ്റഗറി.
• ജനറൽ സിലബസ് - സൂറ: അത്തൗബ.
• ജുനിയർ - സൂറ: അഅ'ല മുതൽ സൂറത്തുന്നാസ് വരെ.
• അപേക്ഷിക്കുന്നതിനുള്ള ലിങ്ക്: www.msmkerala.org/misbah
• പരീക്ഷാ ഫീ ജനറൽ വിഭാഗത്തിന് 70 രൂപയും ജൂനിയർ വിഭാഗത്തിന് 50 രൂപയുമാണ്. ഓൺലൈൻ വഴിയാണ് ഫീ അടക്കേണ്ടത്.
• ഒബ്ജക്റ്റീവ് ടൈപ്പ് ചോദ്യങ്ങളാണ് പരീക്ഷയിലുള്ളത്.
• കൂടുതൽ മാർക്ക് നേടുന്നവരെ ഗ്രാൻഡ് ഫിനാലെയിലേക്ക് തെരഞ്ഞെടുക്കുന്നതാണ്.
• ഒന്നാം സ്ഥാനം നേടുന്ന വ്യക്തിക്ക് പരിശുദ്ധ ഉംറ കർമ്മം നിർവഹിക്കാൻ അവസരം ലഭിക്കുന്നതാണ്.
• ആകെ ഒന്നര ലക്ഷം രൂപ വിലമതിക്കുന്ന സമ്മാനങ്ങളാണ് ഇത്തവണ.
• ഇരു വിഭാഗങ്ങളിലും ആദ്യത്തെ 10 സ്ഥാനക്കാർക്ക് ക്യാഷ് പ്രൈസുകളും പ്രോത്സാഹന സമ്മാനവുമുണ്ടായിരിക്കും.
• Helpline WhatsApp: 7034000909, Call: 9539477434, 9495855260